Menua

BIOGRAFIA

Historia Pixka Bat

Anai-Arrebak (Pasai Donibane)

Gizarte galbidean dago.  Krisiak jota, diru-sarrera eta ilusio gabe, ordaindu ezin ditugun etxeetan lurperatuta, Internet entretenimendu eta lagun bakar gisa, konektatuta gaudela uste dugu, baina ez gara kalera, garitoetara irteten eta, isolatuta, ez ditugu emozioak azaleratzen. Era berean, metala, rocka, elektronika, punka… dekadentzian daude, ilusio faltan, ez da gauza berririk irteten eta musikari zein musika zaleak noraezean dabiltza. Hala, rocka, metala eta beste estilo batzuk muturreraino lantzen aspertuta, Pasaia San Juango hainbat musikarik logia endogamiko bat osatu eta beraien  oinarria ezkutatuezinik –gitarreroa eta indartsua- musika dantzagarria egiteari ekin diote. Iaz autoekiztutako maketa –confetti eta guzti- ospakizun bat izan zen, haize freskoa ekarri zion Euskal Herriko musika eszenari. Eta ondoren egin izan dituzten kontzertu ugariek balio izan dute mozkor, abstemio, politoxikomano, punky, popero, metalero zein modernoak dantzan jarri eta, aspaldiko partez, barrenak askatzeko.
Jousilouli, NaizRoxa, Trigger Travis eta bestelako taldeetan ibilitako boskoteak disco musika errebindikatu, zuribeltzezko garai haueikolorea eman, ezintasuna arrakasta bihurtu daitekeela sinistu eta berezkoa duten indarra dantzara bideratzen dute. Lan honetan post-punk, elektronika, soul, rock, funk, pop eta latinoa aurkituko dituzu besteak beste, baita sintetizadore eta makinitak ere. Ia guztiak balio du abestiek energia, melodia borobilak eta erritmoa erdiesteko. Hala, pistarako hit! Hauekin, entzulea burua galduta dantzara eramaten dute.
Hala ere, dantzalekuak ertz asko ditu, gauean mozorro guztiak ez dira berdinak eta ez ahaztu oraingoan Txanogorritxok alde atseginagoa erakusten badu ere, orain arte egindako zuzenekoetan otso bat baino gehiago jan duela.
Dantzan ala hil! Familia ala hil! Dantzatu hil arte!

Iker Barandiaran

Manu Etxarri (programing,keys)
The Commander (drums)
Matxet (programming,Vox )
EKAITZ BIONIKOA / ETXARRI KAPITAINA / Olmo (GUITARS)
Margarita Andereñoa (vox)

 

Elkarbanatu